VIDEO: અજમેરમાં આના સાગર ચોપાટી પર પ્રવાસીઓની ભીડ
છેલ્લું અપડેટ : 05 Aug 2026
સોર્સ : gstv
રાજસ્થાનના અજમેર શહેરમાં લાંબા સમયના વિરામ બાદ થયેલા ધોધમાર વરસાદને કારણે લોકોને અસહ્ય ગરમી અને બફારામાંથી મોટી રાહત મળી છે. વરસાદ પડતાં જ વાતાવરણમાં આહલાદક ઠંડક પ્રસરી ગઈ હતી, જોકે શહેરના નીચાણવાળા વિસ્તારો અને મુખ્ય માર્ગો પર જળબંબાકારની સ્થિતિ સર્જાઈ હતી. રસ્તાઓ પર પાણી ભરાવા છતાં સ્થાનિક લોકો અને પ્રવાસીઓનો ઉત્સાહ ઓછો થયો ન હતો. પ્રસિદ્ધ આના સાગર ચોપાટી ખાતે મોટી સંખ્યામાં પ્રવાસીઓ રમણીય હવામાનની મજા માણવા અને વરસાદી માહોલની સુંદરતા નિહાળવા માટે ઉમટી પડ્યા હતા. લોકોએ તળાવ કિનારે પરિવાર સાથે સમય વિતાવી વરસાદનો આનંદ માણ્યો હતો. પ્રશાસને પાણીના ઝડપી નિકાલ માટે કામગીરી હાથ ધરી છે, જ્યારે વાહનચાલકોને સાવચેતીપૂર્વક વાહન ચલાવવાની સલાહ આપવામાં આવી છે.
