VIDEO: SIRમાં ગેરરીતિ અને CEC જ્ઞાનેશ કુમાર વિરુદ્ધ ચંદીગઢથી અસમ સુધી કોંગ્રેસનો ઉગ્ર વિરોધ, ગૌરવ ગોગોઈની અટકાયત

દેશભરમાં ચૂંટણી પંચ (ECI)ની કામગીરી અને મતદાર યાદીની સ્પેશિયલ ઇન્ટેન્સિવ રિવિઝન (SIR)ની પ્રક્રિયાને લઈને મોટો રાજકીય વિવાદ સર્જાયો છે. મુખ્ય ચૂંટણી કમિશનર (CEC) જ્ઞાનેશ કુમારના રાજીનામા અને તેમને પદ પરથી હટાવવાની માગ સાથે કોંગ્રેસ સહિતના વિપક્ષી પક્ષો દેશવ્યાપી વિરોધ પ્રદર્શન કરી રહ્યા છે.

આ પણ વાંચો :

SIRમાં મતદાર યાદીમાંથી નામ કપાઈ જતાં ગ્રામીણોમાં રોષ, ઉશ્કેરાયેલા ટોળાએ 7 અધિકારીઓને 8 ક્લાક ઘેરી રાખ્યા

દિલ્હી SIRમાં અડવાણી-જયશંકર સહિત મોટા નેતાઓનું વેરિફિકેશન પૂર્ણ, અંતિમ મતદાર યાદીમાં નામ રહેશે

અસમથી લઈને દિલ્હી સુધી ઉગ્ર દેખાવો

ચંદીગઢ-પટનામાં વોટર કેનનનો મારો, ગુવાહાટીમાં નેતાઓની અટકાયત

ચૂંટણી પંચના વલણ સામે કોંગ્રેસ કાર્યકરોએ દેશના અલગ-અલગ રાજ્યોમાં આક્રમક દેખાવો યોજ્યા હતા. ચંદીગઢ અને પટના ખાતે રસ્તા પર ઉતરેલા કાર્યકરોને અટકાવવા માટે પોલીસે પાણીનો મારો ચલાવવો પડ્યો હતો. બીજી તરફ ગુવાહાટીમાં વિરોધ પ્રદર્શનનું નેતૃત્વ કરી રહેલા અસમ કોંગ્રેસ પ્રમુખ ગૌરવ ગોગોઈ (Gaurav Gogoi) અને અન્ય વરિષ્ઠ પક્ષીય નેતાઓની પોલીસે અટકાયત કરી લીધી હતી. ચંદીગઢમાં પ્રદર્શન દરમિયાન પંજાબ કોંગ્રેસ પ્રમુખ અમરિન્દર સિંહ રાજા વડિંગે આરોપ મૂક્યો હતો કે સમગ્ર દેશમાં મતોની ચોરી થઈ રહી છે અને એકલા પંજાબમાં 20 લાખ મતો કાઢી નાખવામાં આવ્યા છે, જેથી SIR પ્રક્રિયા તુરંત અટકાવીને એફઆઈઆર નોંધવી જોઈએ.

દિલ્હીમાં ચૂંટણી પંચની કચેરી બહાર કડક બંદોબસ્ત

રાષ્ટ્રીય રાજધાની નવી દિલ્હીમાં ચૂંટણી પંચની મુખ્ય કચેરી અને જંતર-મંતર બહાર ભારે પોલીસ બંદોબસ્ત તૈનાત કરવામાં આવ્યો હતો, જ્યાં ભારતીય યુવા કોંગ્રેસ (IYC) અને કોંગ્રેસના કાર્યકરોએ મોરચો માંડ્યો હતો. આ સિવાય મધ્ય પ્રદેશ, ઉત્તરાખંડ, પશ્ચિમ બંગાળ તેમજ પુડુચેરી જેવા રાજ્યોમાં પણ કોંગ્રેસ નેતાઓ અને કાર્યકરોએ જ્ઞાનેશ કુમાર (CEC Gyanesh Kumar)ના રાજીનામાની માગ સાથે જોરદાર દેખાવો કર્યા હતા.

શું છે સમગ્ર વિવાદનું મુખ્ય કારણ?

અનેક ચૂંટણીઓમાં ગેરરીતિ આચરાઈ હોવાની રાહુલનો દાવો

આ રિપોર્ટ સામે આવ્યા બાદ કોંગ્રેસ સાંસદ રાહુલ ગાંધી (Rahul Gandhi)એ દાવો કર્યો હતો કે, ભારતમાં 2024ની લોકસભા ચૂંટણી સહિત અનેક વિધાનસભા ચૂંટણીઓમાં ગેરરીતિ આચરવામાં આવી છે. આ મુદ્દે વાયનાડ ખાતે પ્રતિક્રિયા આપતાં સાંસદ પ્રિયંકા ગાંધી વાડ્રા (Priyanka Gandhi Vadra) એ જણાવ્યું કે, દેશભરમાં 13 કરોડ મતદારોના નામ હટાવી દેવાયા હોવાના પુરાવા છે અને ચૂંટણી પ્રક્રિયા સાથે છેડછાડ કરવી એ દેશદ્રોહ સમાન ગંભીર કૃત્ય છે.

ચૂંટણી પંચે આંતરિક મતભેદના અહેવાલો ફગાવ્યા

ચૂંટણી પંચે પોતાના સત્તાવાર નિવેદનમાં આંતરિક મતભેદના દાવાઓને પાયાવિહોણા ગણાવીને ફગાવી દીધા છે. ચૂંટણી પંચે સ્પષ્ટતા કરી છે કે કોઈપણ બહુ-સદસ્યીય સંસ્થામાં વહીવટી સ્તરે સૂચનો અને પ્રતિભાવો મેળવવા તે એક સામાન્ય પ્રક્રિયાનો ભાગ છે. પંચે વધુમાં જણાવ્યું હતું કે SIR પ્રક્રિયા સાથે સંકળાયેલા તમામ અંતિમ નિર્ણયો સર્વસંમતિથી જ લેવામાં આવ્યા હતા.