VIDEO : તમિલનાડુમાં ચિથિરઈ રથ ઉત્સવની પરંપરાગત શ્રદ્ધા અને ઉલ્લાસ સાથે ઉજવણી

તમિલનાડુના તિરૂચિરાપલ્લી સ્થિત પ્રસિદ્ધ સમયપુરમ મરિયમ્મન મંદિરમાં ભવ્ય ચિથિરઈ રથ ઉત્સવની પરંપરાગત શ્રદ્ધા અને ઉલ્લાસ સાથે ઉજવણી કરવામાં આવી હતી. આ ધાર્મિક મહોત્સવમાં ભાગ લેવા માટે રાજ્યભરમાંથી લાખોની સંખ્યામાં શ્રદ્ધાળુઓ ઉમટી પડ્યા હતા. ઉત્સવના મુખ્ય આકર્ષણ સમાન માતાજીના વિશાળ રથને ભક્તોએ ગોવિંદા-ગોવિંદા ના નાદ સાથે ખેંચ્યો હતો, જેનાથી સમગ્ર વાતાવરણ ભક્તિમય બની ગયું હતું. શ્રદ્ધાળુઓની સુરક્ષા અને સુવિધા માટે વહીવટી તંત્ર દ્વારા ચુસ્ત પોલીસ બંદોબસ્ત, પીવાનું પાણી અને તબીબી સહાય જેવી વ્યવસ્થાઓ કરવામાં આવી હતી. તમિલ સંસ્કૃતિમાં આ ઉત્સવનું વિશેષ મહત્વ છે, જે લોકોની અતૂટ આસ્થા અને સાંસ્કૃતિક વારસાનું પ્રતિક છે.