VIDEO : કાનપુરમાં મુસાફરો ભરેલી બસ નહેરમાં ખાબકી, 20 લોકોનો આબાદ બચાવ

ઉત્તર પ્રદેશના કાનપુરમાં એક ગમખ્વાર અકસ્માત સર્જાયો છે. બિધનૂ વિસ્તારમાં પૂરઝડપે જઈ રહેલી એક બસ અચાનક ચાલકે કાબૂ ગુમાવતા સીધી નહેરમાં ખાબકી હતી. આ દુર્ઘટના સમયે બસમાં અનેક મુસાફરો સવાર હતા. ઘટનાની જાણ થતા જ સ્થાનિક લોકો અને પોલીસ કાફલો બચાવ કામગીરી માટે ઘટનાસ્થળે દોડી ગયો હતો. અત્યાર સુધીમાં ૨૦ મુસાફરોને સુરક્ષિત રીતે બહાર કાઢી બચાવી લેવામાં આવ્યા છે. સદનસીબે હજુ સુધી કોઈ જાનહાનિના સમાચાર નથી, પરંતુ ઈજાગ્રસ્તોને તાત્કાલિક સારવાર અર્થે હોસ્પિટલ ખસેડાયા છે. પોલીસે અકસ્માતનો ગુનો નોંધી વધુ તપાસ હાથ ધરી છે.