VIDEO: આગરા-લખનઉ એક્સપ્રેસ હાઈવે પર બસમાં આગ લાગી, જીવ બચાવવા મુસાફરો બારીમાંથી કૂદ્યા
છેલ્લું અપડેટ : 20 Jan 2025
ઉત્તર પ્રદેશના કન્નૌજમાં આગરા-લખનઉ એક્સપ્રેસ વે પર શનિવારે એક ભયાનક અકસ્માત લગભગ ટળી ગયો હતો. લખનઉથી દિલ્હી જઈ રહેલી મુસાફરોથી ભરેલી બસમાં અચાનક આગ લાગી હતી. આ બનાવથી બસમાં અફરાતફરીનો માહોલ સર્જાયો હતો.
ડ્રાઈવરની સમજદારીને કારણે અકસ્માત ટળી ગયો
મળતી માહિતી મુજબ, આગ લાગ્યા બાદ બસની અંદર ધુમાડો ભરાવા લાગ્યો હતો અને મુસાફરો ડરી ગયા હતા. પરિસ્થિતિ વણસતી જોઈને ડ્રાઈવરે તરત જ બસને રોડની કિનારે રોકી દીધી. આગનું કારણ હજુ સ્પષ્ટ થયું નથી, પરંતુ પ્રાથમિક તપાસમાં શોર્ટ સર્કિટની આશંકા છે.
તમામ મુસાફરોનો બચાવ
ઘટના દરમિયાન મુસાફરોએ શાણપણ દાખવ્યું હતું અને બારી-દરવાજામાંથી કૂદીને પોતાનો જીવ બચાવ્યો હતો. સદનસીબે, તમામ મુસાફરો સમયસર બસમાંથી બહાર નીકળી ગયા હતા અને કોઈને ગંભીર ઈજા થઈ હોવાના અહેવાલ નથી.
આ પણ વાંચોઃ મહાકુંભમાં ગુજરાતીઓનો જમાવડો, સૌરાષ્ટ્ર અને કચ્છના લોકોનો દબદબો
ફાયર વિભાગને જાણ કર્યા બાદ આગને કાબુમાં લેવામાં આવી હતી, પરંતુ ત્યાં સુધીમાં બસ સંપૂર્ણ બળીને ખાખ થઈ ગઈ હતી. સ્થાનિક પ્રશાસન અને પોલીસે ઘટનાસ્થળે પહોંચીને મામલાની તપાસ શરૂ કરી દીધી છે.
GSTVની એપ્લિકેશન ડાઉનલોડ કરો
