VIDEO: માંડલા, માનખુર્દમાં બિલ્ડિંગ ધરાશાયી: ૬ લોકોના મોત

મુંબઈના માનખુર્દ વિસ્તારના માંડલામાં આજે એક દુર્ભાગ્યપૂર્ણ ઘટનામાં જૂની ઈમારત ધરાશાયી થતા ભારે અરેરાટી ફેલાઈ ગઈ છે. આ ભયાનક અકસ્માતમાં ૬ લોકોના કરુણ મોત નિપજ્યા છે જ્યારે ૧ વ્યક્તિ ગંભીર રીતે ઈજાગ્રસ્ત થઈ છે. ઘટનાની જાણ થતા જ ફાયર બ્રિગેડ પોલીસ અને ડિઝાસ્ટર મેનેજમેન્ટની ટીમ તાત્કાલિક ઘટનાસ્થળે પહોંચી હતી. હાલમાં કાટમાળ નીચે દબાયેલા અન્ય લોકોને બહાર કાઢવા માટે યુદ્ધના ધોરણે રેસ્ક્યુ ઓપરેશન ચાલી રહ્યું છે. ઈજાગ્રસ્ત વ્યક્તિને નજીકની હોસ્પિટલમાં સારવાર અર્થે દાખલ કરવામાં આવ્યા છે. સ્થાનિક તંત્ર દ્વારા વિસ્તારને કોર્ડન કરી દેવામાં આવ્યો છે અને કાટમાળ ખસેડવાની કામગીરી ઝડપથી પૂર્ણ કરવાના પ્રયાસો હાથ ધરાયા છે. ઘટના બાદ આસપાસના રહીશોમાં શોકની લાગણી છવાઈ ગઈ છે. અધિકારીઓ દ્વારા અકસ્માત પાછળના ચોક્કસ કારણોની તપાસ શરૂ કરવામાં આવી છે.