બોલીવુડ અભિનેત્રી નેહા શર્માએ બિહારના ભાગલપુરમાં કર્યું મતદાન 

2024ની લોકસભા ચૂંટણીના બીજા તબક્કા માટે 26 એપ્રિલે મતદાન ચાલી રહ્યું છે. બોલિવૂડ અભિનેત્રી નેહા શર્માએ બિહારના ભાગલપુરમાં પોતાનો મત આપ્યો. તેમના પિતા અને ભાગલપુરથી કોંગ્રેસના ઉમેદવાર અજીત શર્માએ પણ પોતાનો મત આપ્યો. લોકસભા ચૂંટણીના બીજા તબક્કામાં બિહારની 5 બેઠકો પર મતદાન ચાલી રહ્યું છે. દરમિયાન  નેહા શર્માએ કહ્યું, “આ એક ખૂબ જ મહત્ત્વપૂર્ણ દિવસ છે…હું લોકોને વિનંતી કરું છું કે આ એક ખૂબ જ મહત્ત્વપૂર્ણ અધિકાર છે જે આપણી પાસે છે. એક જાગૃત નાગરિક તરીકે, બહાર જાઓ અને મતદાન કરો કારણ કે તમારો મત કિંમતી છે...”