VIDEO: ભારતની પ્રગતિ જોઈને વિપક્ષના પેટમાં કેમ તેલ રેડાય છે? ભાજપ નેતા કેયા ઘોષે કોંગ્રેસના એજન્ડાની પોલ ખોલી!
છેલ્લું અપડેટ : 02 Sept 2026
ભારતના 7.8% આર્થિક વૃદ્ધિ દર (GDP Growth) પર વિપક્ષ દ્વારા ઉઠાવવામાં આવી રહેલા સવાલો સામે ભારતીય જનતા પાર્ટીએ વળતો પ્રહાર કર્યો છે. ભાજપના નેતા કેયા ઘોષે કોંગ્રેસ અને સમગ્ર વિપક્ષ પર નિશાન સાધતા આરોપ લગાવ્યો છે કે વિપક્ષને દેશની પ્રગતિ પચતી નથી કારણ કે તેમની ગરીબી આધારિત વોટબેંકની રાજનીતિ હવે ખતમ થઈ રહી છે.
કોલકાતા ખાતે પ્રતિક્રિયા આપતાં કેયા ઘોષે જણાવ્યું, "મને એ સમજાતું નથી કે જ્યારે સમગ્ર દેશ, વૈશ્વિક અર્થશાસ્ત્રીઓ અને આર્થિક નિષ્ણાતો ભારતના વિકાસની પ્રશંસા કરી રહ્યા છે, ત્યારે વિપક્ષને કેમ આટલી તકલીફ થઈ રહી છે? તેમને દેશ આગળ વધી રહ્યો છે અને વિકાસ કરી રહ્યો છે તે પસંદ નથી આવી રહ્યું."
વિપક્ષની જૂની રાજનીતિ પર કટાક્ષ કરતા તેમણે ઉમેર્યું, "તેમની સમગ્ર રણનીતિ જ ગરીબોનું શોષણ કરવા અને તેમની લાચારી દર્શાવીને મતો મેળવવા પર ટકેલી હતી. વડાપ્રધાન નરેન્દ્ર મોદી ગરીબોને કલ્યાણકારી યોજનાઓ થકી ગરીબીમાંથી બહાર લાવી રહ્યા છે. દેશની લગભગ 25% વસ્તી હવે ગરીબી રેખા (BPL)થી ઉપર આવી ચૂકી છે. લોકોને ગરીબ રાખીને મત મેળવવાનો તેમનો મુખ્ય એજન્ડા હવે તેમના હાથમાંથી સરકી રહ્યો છે, જેના કારણે કોંગ્રેસ, રાહુલ ગાંધી અને બાકીનો વિપક્ષ આટલો તીવ્ર વિરોધ કરી રહ્યા છે."
