આગમાં બળીને ખાક થઈ ગયા હતા પ્લેનના બંને વોઈસ રેકોર્ડર, અજીત પવાર વિમાન દુર્ઘટનામાં થયા મોટા ખુલાસા 

મહારાષ્ટ્રના ભૂતપૂર્વ નાયબ મુખ્યમંત્રી અજિત પવાર સાથે સંકળાયેલા વિમાન દુર્ઘટના અંગે મહત્વપૂર્ણ સમાચાર સામે આવ્યા છે. 28 જાન્યુઆરીએ બારામતીમાં ક્રેશ થયેલા લિયરજેટ 45 (VT-SSK) વિમાનની તપાસ કરી રહેલા એરક્રાફ્ટ એક્સિડેન્ટ ઇન્વેસ્ટિગેશન બ્યુરો (AAIB) એ તેના પ્રારંભિક અહેવાલમાં એક મહત્વપૂર્ણ ખુલાસો કર્યો છે.

આંતરરાષ્ટ્રીય ધોરણો અનુસાર તપાસ
AAIB અનુસાર, વિમાનમાં બંને વોઇસ રેકોર્ડર ક્રેશ પછીની આગમાં નાશ પામ્યા હતા. AAIB એ સ્પષ્ટતા કરી છે કે, તપાસ સ્થાપિત નિયમો અને આંતરરાષ્ટ્રીય ધોરણો અનુસાર હાથ ધરવામાં આવી રહી છે. આગમાં સવાર બંને ફ્લાઇટ રેકોર્ડરને નુકસાન થયું હતું. એજન્સીએ જણાવ્યું છે કે તપાસ સંપૂર્ણપણે નિષ્પક્ષ અને પુરાવા પર આધારિત હશે. તેમણે દરેકને અનુમાન ન કરવા અને સત્તાવાર માહિતીની રાહ જોવાની વિનંતી કરી છે.

બારામતીમાં વિમાન દુર્ઘટના
અજિત પવારનું 28 જાન્યુઆરી, 2026 ના રોજ પુણે જિલ્લાના બારામતીમાં વિમાન દુર્ઘટનામાં અવસાન થયું. તેઓ મુંબઈથી ચાર્ટર્ડ લિયરજેટ 45 (VT-SSK) માં બારામતીમાં જાહેર સભાઓને સંબોધવા માટે રવાના થયા હતા. સવારે 8:46 વાગ્યે, બારામતી એરપોર્ટ પર રનવે 11 પર ઉતરાણ કરવાના બીજા પ્રયાસ દરમિયાન, વિમાન અચાનક નિયંત્રણ ગુમાવી દીધા બાદ ખુલ્લા મેદાનમાં અથડાયા બાદ આગની લપેટમાં આવી ગયું હતું. જમીન સાથે ટકરાયા બાદ વિસ્ફોટો  થયા જેને પગલે વિમાનમાં બેઠેલા એકપણ વ્યક્તિને બચવાની તક ના મળી.

અજિત પવાર સહિત પાંચ લોકોના મોત
આ દુ:ખદ અકસ્માતમાં અજિત પવાર, તેમના અંગત સુરક્ષા અધિકારી (PSO), એક સહાયક અને બે ક્રૂ સભ્યો (પાયલટ સુમિત કપૂર અને સહ-પાયલટ શામ્ભવી પાઠક) સહિત પાંચ લોકોએ જીવ ગુમાવ્યા. પ્રારંભિક અહેવાલો અનુસાર આ અકસ્માત ઓછી દૃશ્યતા અને ગાઢ ધુમ્મસને કારણે થયો હતો. મહારાષ્ટ્ર સરકારે અજિત પવારના નિધન પર ત્રણ દિવસનો રાજ્ય શોક જાહેર કર્યો હતો અને બારામતીમાં તેમના અંતિમ સંસ્કાર પૂર્ણ રાજ્ય સન્માન સાથે કરવામાં આવ્યા હતા.