VIDEO: ગંગા અને યમુનાના વધતા જળસ્તરને કારણે સ્નાન પ્રક્રિયા પ્રભાવિત થઈ

ઉત્તર પ્રદેશના પ્રયાગરાજમાં ગંગા અને યમુના નદીઓના જળસ્તરમાં સતત થઈ રહેલા વધારાને કારણે પવિત્ર સંગમ ઘાટ પર સ્થિતિ ગંભીર બની છે. પહાડી અને મેદાની વિસ્તારોમાં પડેલા ભારે વરસાદ બાદ બંને નદીઓનું પાણી ઝડપથી વધી રહ્યું છે, જેના કારણે સંગમ કિનારે આવેલા કાચા ઘાટ અને પૂજા માટેના પંડાલ પાણીમાં ગરકાવ થઈ ગયા છે. જળસ્તર વધવાથી અને નદીઓમાં ભારે પ્રવાહ હોવાને કારણે સંગમ સ્થળે શ્રદ્ધાળુઓ માટે સ્નાન કરવું જોખમી બન્યું છે, જેને પગલે પ્રશાસને સુરક્ષાના કડક પગલાં લીધા છે. જળ પોલીસ અને એનડીઆરએફ ની ટીમોને સંગમ વિસ્તારમાં તેનાત કરવામાં આવી છે અને બોટ સંચાલન પર નિયંત્રણો લાદવામાં આવ્યા છે. વહીવટીતંત્ર દ્વારા માઇક પર સતત એનાઉન્સમેન્ટ કરીને શ્રદ્ધાળુઓને ઊંડા પાણીમાં ન જવા અને સુરક્ષિત ઘાટ પર જ સ્નાન કરવા અપીલ કરવામાં આવી રહી છે.