Republic Day 2025: પ્રજાસત્તાક દિને વિરતા પુરસ્કારનું એલાન, 942 જવાનોને મળશે મેડલ

પ્રજાસત્તાક દિવસ 2025ના અવસરે પોલીસ, ફાયર, હોમગાર્ડ અને નાગરિક સુરક્ષા અને સુધારાત્મક સેવાઓના 942 કર્મચારીઓને વિરતા/સેવા(શૌર્ય) પુરસ્કાર એનાયત કરવાની જાહેરાત કરાઈ છે. આમાં 95 સૈનિકોને શૌર્ય ચંદ્રક, 101 ને વિશિષ્ટ સેવા માટે રાષ્ટ્રપતિ ચંદ્રક, 746 ને પ્રશંસનીય સેવા માટે ચંદ્રક એનાયત કરવાની જાહેરાત કરવામાં આવી છે. 

આ પણ વાંચોઃ ગુજરાતનું ગૌરવઃ 9 પોલીસ અધિકારી-જવાનોને રાષ્ટ્રપતિ પદકથી સન્માનીત કરાશે

બહાદુરી પુરસ્કારમાં કયા વિભાગમાંથી કેટલા?

૯૫ વીરતા પુરસ્કારોમાંથી મોટાભાગના નક્સલ પ્રભાવિત વિસ્તારોમાં તૈનાત સૈનિકોને આપવામાં આવ્યા હતા. નક્સલવાદી વિસ્તારના 28 સૈનિકો, જમ્મુ અને કાશ્મીર ક્ષેત્રના 28 સૈનિકો, ઉત્તર-પૂર્વના 03 સૈનિકો અને અન્ય વિસ્તારોના 36 સૈનિકોને તેમના વીરતાપૂર્ણ કાર્યો માટે સન્માનિત કરવામાં આવી રહ્યા છે. આમાં 78 પોલીસકર્મીઓ અને 17 ફાયર સર્વિસ કર્મચારીઓનો સમાવેશ થાય છે.

કયા વિભાગના કેટલા સૈનિકો પાસે ખાસ સેવા છે?

વિશિષ્ટ સેવા (PSM) માટે 101 રાષ્ટ્રપતિ ચંદ્રકોમાંથી, 85 પોલીસ સેવાને, 05 ફાયર સર્વિસને, 07 નાગરિક સંરક્ષણ-હોમગાર્ડ્સને અને 04 સુધારા વિભાગને એનાયત કરવામાં આવ્યા છે. મેરીટોરીયસ સર્વિસ (MSM) માટે 746 મેડલમાંથી 634 પોલીસ સેવાને, 37 ફાયર સર્વિસને, 39 સિવિલ ડિફેન્સ-હોમગાર્ડ્સને અને 36 કરેક્શનલ સર્વિસને એનાયત કરવામાં આવ્યા છે.

મેડલ સાથે મળશે આ લાભ

વિશિષ્ટ સેવા માટે રાષ્ટ્રપતિ મેડલ (PSM) મેળવનારા સૈનિકોને દર મહિને 6,000 રૂપિયા આપવામાં આવે છે.
વીરતા ચંદ્રક (GM) મેળવનારા સૈનિકોને દર મહિને 6000 રૂપિયા આપવામાં આવે છે.

બહાદુરી ચંદ્રક કોને મળે છે?

શૌર્ય ચંદ્રકઃ દુર્લભ વિશિષ્ટ કાર્ય તથા અસાધારણ બહાદુરીના કાર્યો માટે આપવામાં આવે છે, જેમાં જીવન અને સંપત્તિની રક્ષા કરવા, ગુના અટકાવવા અથવા ગુનેગારોની ધરપકડ કરવાનો સમાવેશ થાય છે.

આમાં સંબંધિત અધિકારીની જવાબદારીઓ અને ફરજો અનુસાર જોખમનું મૂલ્યાંકન કરવામાં આવે છે. રાષ્ટ્રપતિનો વિશિષ્ટ સેવા ચંદ્રક (PSM) સેવામાં અસાધારણ રીતે વિશિષ્ટ રેકોર્ડ માટે આપવામાં આવે છે અને મેરીટોરીયસ સેવા ચંદ્રક (MSM) સાધનસંપન્નતા અને ફરજ પ્રત્યેની નિષ્ઠા દ્વારા દર્શાવવામાં આવતી મૂલ્યવાન સેવા માટે એનાયત કરવામાં આવે છે.