VIDEO: પેરુંગુલમ વેટલેન્ડ્સમાં વિદેશી પક્ષીઓનું આગમન

તમિલનાડુના થૂથુકુડી જિલ્લામાં આવેલા પ્રખ્યાત પેરુંગુલમ વેટલેન્ડ્સ ખાતે શિયાળાની સીઝન શરૂ થાય તે પહેલા જ હજારો માઇગ્રેટરી વૉટર બર્ડ્સ નું આગમન થઈ ચૂક્યું છે. મધ્ય એશિયા, સાઇબિરીયા અને યુરોપ જેવા દૂરના વિસ્તારોમાંથી અનુકૂળ હવામાન અને વિપુલ પ્રમાણમાં ખોરાકની શોધમાં આ રંગબેરંગી પક્ષીઓ અહીં પહોંચી રહ્યા છે. પેરુંગુલમ જળપ્લાવિત વિસ્તાર પક્ષીઓ માટે ઉત્તમ પ્રજનન અને રહેઠાણનું સ્થાન પૂરું પાડે છે. આ વર્ષે સમયસર આગમનને કારણે વેટલેન્ડ્સ પક્ષીઓના કલરવથી ગૂંજી ઉઠ્યા છે, જેને પગલે પક્ષીપ્રેમીઓ અને પર્યાવરણવિદોમાં ભારે ઉત્સાહ જોવા મળી રહ્યો છે. સ્થાનિક તંત્ર અને વન વિભાગ દ્વારા આ દુર્લભ પ્રવાસી પક્ષીઓની સુરક્ષા અને તેમના રહેઠાણની જાળવણી માટે વિશેષ વ્યવસ્થા કરવામાં આવી છે.