VIDEO: ઉમરગામ તાલુકામાં આજે વહેલી સવારથી ફરી વરસાદી માહોલ
છેલ્લું અપડેટ : 11 Aug 2026
સોર્સ : gstv
વલસાડ જિલ્લાના ઉમરગામ તાલુકામાં આજે વહેલી સવારથી ફરી વરસાદી માહોલ છવાયો છે. લાંબા વિરામ અને છૂટાછવાયા વરસાદી ઝાપટાઓ બાદ ઉમરગામમાં મધ્યમ ઝરમર વરસાદ વરસતા લોકોને ભારે ઉકળાટ અને બફારામાંથી આંશિક રાહત મળી છે. વહેલી સવારથી વરસાદ શરૂ થતાં રસ્તાઓ પર અવરજવર કરતા લોકોને છત્રી અને રેનકોટનો સહારો લેવો પડ્યો હતો. ઉમરગામ સહિત દક્ષિણ ગુજરાતમાં આગામી દિવસોમાં હળવાથી મધ્યમ વરસાદની શક્યતા પણ વ્યક્ત કરવામાં આવી છે. દરમિયાન ખેતરોમાં ડાંગરની રોપણી કામગીરી હવે લગભગ અંતિમ તબક્કામાં પહોંચી છે. રોપણી પૂર્ણ થયા બાદ ડાંગરના પાક માટે વરસાદ મહત્વનો હોવાથી ખેડૂતો પણ વરસાદી માહોલથી આશાવાદી બન્યા છે.
