VIDEO: વલસાડમાં ભારે વરસાદથી કોઝવે પર પાણી ફરી વળ્યા, લોકોના જીવ જોખમમાં
છેલ્લું અપડેટ : 17 Jul 2026
સોર્સ : gstv
વલસાડ જિલ્લામાં મેઘરાજાએ ધમાકેદાર બેટિંગ શરૂ કરતાં તમામ તાલુકાઓમાં સાર્વત્રિક વરસાદ નોંધાયો છે. ખાસ કરીને કપરાડા અને ધરમપુર પંથકમાં વરસેલા ભારે વરસાદને કારણે સ્થાનિક નદી-નાળાઓ તોફાની સ્વરૂપે વહી રહ્યા છે. કપરાડાના સિલધા ગામ નજીકથી પસાર થતી નદીમાં પૂર જેવી સ્થિતિ સર્જાઈ છે, જેના પાણી લો-લેવલ કોઝવે પર ફરી વળ્યા છે. કોઝવે પાણીમાં ગરકાવ થઈ જતાં નદીના બંને તરફના વિસ્તારોનો સંપર્ક સંપૂર્ણપણે કપાઈ ગયો છે. આ વિકટ પરિસ્થિતિ અને ધસમસતા પ્રવાહ વચ્ચે પણ કેટલાક સ્થાનિક લોકો જીવના જોખમે રસ્તો પસાર કરતા નજરે પડ્યા હતા, જે મોટી દુર્ઘટનાને આમંત્રણ આપી શકે છે.
