Vadodara: નવાયાર્ડ વિસ્તારમાં અસામાજિક તત્વોનો ત્રાસ, જૂની અદાવતને કારણે ફરી થઈ બબાલ
છેલ્લું અપડેટ : 24 Nov 2025
વડોદરા શહેરના નવાયાર્ડ વિસ્તારમાં અસામાજિક તત્વોનો ત્રાસ ફરી એકવાર ચર્ચામાં આવ્યો છે. છેલ્લા 24 કલાકમાં સતત બીજી મારામારીની ઘટના બનતાં વિસ્તારમાં તંગદિલીનો માહોલ છે. આ ઘટનાનો વિડીયો સોશિયલ મીડિયામાં વાયરલ થતાં કાયદો અને વ્યવસ્થાની સ્થિતિ સામે સવાલો ઉભા થયા છે. જૂની અદાવતને કારણે બબાલ થઈ હોવાનું સામે આવ્યું છે.
નોંધનીય છે કે આ જ વિસ્તારમાં થોડા સમય અગાઉ એક્ટિવા ચાલક સાથે બબાલ થઈ હતી, જે બાદ મામલો શાંત પડ્યો હતો. ગત શનિવારે વિસ્તારના નાઝીમ ખાન પઠાણ પર હુમલો થયો હતો. આ હુમલા મામલે સહબાજ પઠાણ અને તેના બે સાગરીતો વિરુદ્ધ ફતેહગંજ પોલીસ મથકે પોલીસ ફરિયાદ નોંધવામાં આવી હતી. ગત રાત્રે ફરીથી આ હુમલાની અદાવતમાં બન્ને જૂથો સામસામે આવી ગયા હતા અને તેમની વચ્ચે જોરદાર તુતુ-મેમે થઈ હતી.
ગત રાત્રે થયેલી આ મારામારી અને તુતુ-મેમેનો વીડિયો સોશિયલ મીડિયા પર વાયરલ થયો છે. જોકે GSTV આ વાયરલ વીડિયોની પુષ્ટિ નથી કરતું.
