VIDEO: અડાજણ ગિરીરાજ સોસાયટી પાસે ભિક્ષુક લોકોને માર મારવાનો વીડિયો વાયરલ થતા તંત્રમાં દોડધામ
છેલ્લું અપડેટ : 15 Dec 2025
VIDEO: સુરત શહેરના અડાજણ વિસ્તારમાં એક બનાવથી તંત્રમાં પણ દોડધામ મચી જવા પામી હતી. અડાજણ વિસ્તારમાં આવેલી ગિરીરાજ સોસાયટી પાસે ભિક્ષુક લોકોને લેવા આવેલી ગાડીમાંથી ઉતરેલી ભિક્ષુકગૃહની મહિલા કર્મચારી દ્વારા વૃદ્ધને જાહેરમાં માર મારવામાં આવ્યો હતો. બે લાચાર ભિક્ષુક મહિલાઓ સાથે અમાનવીય વર્તન કર્યું હતું. જે અંગેની સમગ્ર ઘટના પાસે રહેલા સીસીટીવી કેમેરામાં કેદ થઈ ગઈ હતી. આ ઘટના બાદ વીડિયો વાયરલ થતા તંત્રમાં પણ દોડધામ મચી હતી.
આ સમગ્ર ઘટના અંગે પણ ભિક્ષુક ગૃહ દ્વારા તપાસના આદેશ આપવાની નોબત આવી હતી. જે તે કર્મચારી પાસે લેખિતમાં ખુલાસો માગવામાં આવ્યો હતો. ભિક્ષુક ગૃહની એક મહિલા કર્મચારીએ બે લાચાર અને વૃદ્ધ ભિક્ષુક મહિલાઓ સાથે અમાનવીય વર્તન કર્યું. હતું. જેમાં એક વૃદ્ધાને બળજબરીથી ઢસડવામાં આવી હતી. ત્યારબાદ એક લાફો પણ ઝીંકયો હતો. આ સમગ્ર ઘટના પાસે રહેલા સીસીટીવી કેમેરામાં કેદ થઈ હતી. બાદમાં આ આખી ઘટનાનો વીડિયો સોશિયલ મીડિયામાં વાયરલ થયો હતો. જેને લઈ તંત્ર પણ વિચારતું થયું હતું.
