VIDEO : સુરતમાં 'વાઇબ્રન્ટ રિજનલ કોન્ફરન્સ'નો પ્રારંભ, રિવર્સ બાયર-સેલર મીટ આકર્ષણનું કેન્દ્ર

સુરતના હજીરા સ્થિત ઑરો યુનિવર્સિટી ખાતે આજથી બે દિવસીય વાઇબ્રન્ટ ગુજરાત રિજનલ કોન્ફરન્સનો ભવ્ય પ્રારંભ થયો છે. મુખ્યમંત્રી ભૂપેન્દ્ર પટેલ અને મંત્રીમંડળની ઉપસ્થિતિમાં યોજાયેલા આ કાર્યક્રમમાં દેશ-વિદેશના ઉદ્યોગકારો ઉમટી પડ્યા છે.આ કોન્ફરન્સના મુખ્ય આકર્ષણ તરીકે રિવર્સ બાયર-સેલર મીટ યોજાઈ રહી છે, જેમાં યુકે, ઓસ્ટ્રેલિયા અને યુએઈ સહિત 15 દેશોના 45થી વધુ વિદેશી ખરીદદારો ભાગ લઈ રહ્યા છે. FIEO દ્વારા આયોજિત આ પહેલથી સુરતના ટેક્સટાઇલ, કેમિકલ, ફાર્મા અને એન્જિનિયરિંગ જેવા ક્ષેત્રોના MSME નિકાસકારોને આંતરરાષ્ટ્રીય સ્તરે સીધી તકો મળશે.