VIDEO: SURAT / DGGIની ઓફિસમાં લાગી ભીષણ આગ, અનેક મહત્વની ફાઇલો અને દસ્તાવેજો બળીને ખાખ
છેલ્લું અપડેટ : 11 May 2026
સોર્સ : gstv
સુરતના વેસુ વિસ્તારમાં આવેલી ડાયરેક્ટરેટ જનરલ ઓફ જીએસટી ઇન્ટેલિજન્સની ઓફિસમાં આજે અચાનક ભીષણ આગ ફાટી નીકળી હતી. ઉનાળો શરૂ થતાની સાથે જ શહેરમાં આગના બનાવોમાં ચિંતાજનક વધારો જોવા મળી રહ્યો છે. આ દુર્ઘટનામાં ઓફિસમાં રહેલી અનેક મહત્વની ફાઇલો અને દસ્તાવેજો બળીને ખાખ થઈ ગયા હોવાની પ્રાથમિક માહિતી મળી રહી છે. આગની જાણ થતા જ સુરત ફાયર વિભાગની ટીમો તાત્કાલિક ઘટનાસ્થળે દોડી આવી હતી અને ભારે જહેમત બાદ આગ પર કાબૂ મેળવ્યો હતો. સદનસીબે આ ઘટનામાં કોઈ જાનહાનિ થઈ નથી, પરંતુ સરકારી દસ્તાવેજોને મોટું નુકસાન પહોંચ્યું છે. આગ લાગવાનું ચોક્કસ કારણ હજુ જાણી શકાયું નથી, જે અંગે તંત્ર દ્વારા તપાસ હાથ ધરવામાં આવી છે.
