VIDEO: સુરત ખાડી પૂરમાં આશાસ્પદ યુવકનું મોત: પરિવારે ગુમાવ્યો કમાનારો દીકરો

સુરતમાં આવેલા ભયાનક ખાડી પૂરને કારણે ૪૦થી વધુ લોકોએ જીવ ગુમાવ્યા છે, જેમાં લિંબાયતના મીઠી ખાડી વિસ્તારની એક હૃદયદ્રાવક ઘટના સામે આવી છે. ટેક્સટાઇલ માર્કેટમાં પેકિંગનું કામ કરી પરિવારને મદદરૂપ થતો આશાસ્પદ યુવક જાવેદ શાહ રાત્રે આઠ વાગ્યે ફૂડ પેકેટ લેવા જતાં ૧૦ ફૂટ ઊંડા વરસાદી પાણીના જોરદાર વહેણમાં તણાઈ ગયો હતો. પરિવારે ભારે શોધખોળ કરી પરંતુ બીજા દિવસે સવારે તેનો મૃતદેહ મળી આવ્યો હતો. ઘરના મુખ્ય કમાનારા સભ્યને ગુમાવતા જાવેદની માતાએ ન્યાય અને સરકાર સમક્ષ વળતરની માંગ કરી છે. સ્થાનિક લોકોનો આક્ષેપ છે કે દર વર્ષે અહીં ગટરિયા પૂરને કારણે ભારે જાનમાલનું નુકસાન થાય છે, જેથી પ્રશાસન આ સમસ્યાનો કાયમી નિકાલ લાવે તે જરૂરી છે.