VIDEO: Suratમાં પોલીસ કર્મચારી બન્યા દબંગ, રેસ્ટોરન્ટમાં ઘુસીને માર મારવાની સાથે અપશબ્દો ઉચ્ચાર્યા
છેલ્લું અપડેટ : 01 Jul 2025
સુરતમાં રાત્રિના સમયે ખુલી રહેતી રેસ્ટોરન્ટમાં રક્ષણના નામે કે પેટ્રોલિંગના નામે પોલીસ કર્મચારીઓ દ્વારા ઉધ્ધત વર્તન કરવામાં આવ્યું હોવાનો કિસ્સો સામે આવ્યો છે. વાઈરલ થઈ રહેલા સીસીટીવી મુજબ પોલીસ કર્મચારીઓ રેસ્ટોરન્ટના રસોડામાં ઘુસીને 3 વ્યક્તિઓને છૂટા હાથના તમાચા મારતાં કેમેરામાં કેદ થયા છે. 28 તારીખના આ વીડિયોમાં માર મારતાં અને ધમકી આપવાની સાથે અપશબ્દો બોલતો કર્મચારી પણ કેદ થયો છે. સમગ્ર વીડિયો લાલગેટ પોલીસ સ્ટેશન વિસ્તારનો હોવાનું કહેવામાં આવી રહ્યું છે.
