VIDEO: સુરતમાં કમરતોડ ખાડાથી વાહનચાલકોમાં ભારે આક્રોશ
છેલ્લું અપડેટ : 03 Aug 2026
સોર્સ : gstv
સુરત શહેરમાં વરસાદ બાદ અનેક વિસ્તારોમાં કમરતોડ ખાડાઓ વાહનચાલકો માટે માથાનો દુખાવો બન્યા છે. પર્વત પાટિયા, ડિંડોલી સહિતના વિવિધ વિસ્તારોમાં રસ્તાઓ પર ખાડાઓનું સામ્રાજ્ય જોવા મળી રહ્યું છે. તાજેતરમાં બનાવાયેલા કેટલાક રસ્તાઓ પણ ધોવાઈ જતાં કામગીરીની ગુણવત્તા સામે સવાલો ઊભા થયા છે. ખાડાઓના કારણે રોજબરોજ વાહનોને નુકસાન પહોંચતું હોવાનું વાહનચાલકો જણાવી રહ્યા છે. સ્થાનિકોએ તંત્ર સામે આક્રોશ વ્યક્ત કરતાં તાત્કાલિક રસ્તાઓનું સમારકામ કરવાની માંગ કરી છે. વરસાદી મોસમમાં અકસ્માતની આશંકા પણ વધી હોવાથી સુરક્ષિત મુસાફરી માટે વહેલી તકે અસરકારક કાર્યવાહી કરવામાં આવે તેવી લોકોની માંગ ઉઠી છે.
