VIDEO : Surat - તાપીના પશુપાલકો માટે ખુશખબર, સુમુલ ડેરીએ આપ્યું મોટું બોનસ

કાળઝાળ મોંઘવારી વચ્ચે સુરત અને તાપી જિલ્લાના પશુપાલકો માટે સુમુલ ડેરી તરફથી ખુશીના સમાચાર આવ્યા છે. સુમુલે પ્રતિ કિલોફેટ દૂધ પર ૧૨૦ રૂપિયા બોનસ આપવાની જાહેરાત કરી છે. જેનાથી પશુપાલન વ્યવસાય સાથે જોડાયેલા અઢી લાખ પરિવારોને મોટી રાહત મળશે. હવે આ નવા બોનસની રકમ ઉમેરાતા પશુપાલકોને મળતો કુલ ભાવ ૧૦૨૦ રૂપિયા પર પહોંચ્યો છે, જે સમગ્ર ગુજરાતમાં દૂધનો સૌથી વધુ ભાવ હોવાનો દાવો સુમુલના સંચાલકો કરી રહ્યા છે. આ ભાવ વધારાથી પશુપાલકો આર્થિક રીતે વધુ સદ્ધર બનશે અને પશુપાલન ક્ષેત્રે નવી ઊંચાઈઓ હાંસલ કરશે તેમ ડેરી સંચાલકોનું માનવું છે.