VIDEO: Himmatnagar માં વાવાઝોડું ફૂંકાતા લગ્નમાં પડ્યો ભંગ, જાનૈયાઓએ દોડીને મંડપના થાંભલા પકડ્યા
છેલ્લું અપડેટ : 06 May 2025
હિંમતનગર તાલુકાના ગાંભોઇ પંથકનો વિડિયો વાયરલ થઈ રહ્યો છે. ગુજરાતમાં અચાનક પલટાયેલા વાતાવરણ વચ્ચે લગ્ન પ્રસંગોમાં દોડાદોડી થઈ ગઈ છે. રાત્રે ફૂંકાયેલા વાવાઝોડામાં લગ્ન પ્રસંગ અર્થે બાંધેલો મંડપ હલબલી ગયો હતો. મંડપને ઉડતો બચાવવા જાનૈયાઓ થાંભલા પકડીને ઉભા રહી ગયા હતા. ભારે પવનને પગલે મંડપ ઉડે તેવી પરિસ્થિતિ સર્જાઈ હતી. લગ્ન પ્રસંગમાં જમણવારમાં પણ દોડાદોડી થઈ ગઈ.
જણાવી દઈએ કે, ગુજરાતમાં ઉનાળામાં લગ્નની મોસમ ચાલતી હોય છે. ત્યારે સાબરકાંઠાના હિંમતનગરના ગાંભોઈ ગામે આયોજિત લગ્ન પ્રસંગમાં પણ વાવાઝોડું નડ્યું હતું. ભારે પવનને પગલે મંડપ ઉડે તેવી શક્યતા હોઈ જાનૈયાઓએ જ મંડપના થાંભલા પકડી લીધા હતા. જણાવી દઈએ કે, સાબરકાંઠા જિલ્લામાં આવેલા વાવાઝોડાએ ઘણા લગ્ન પ્રસંગો બગાડ્યા છે.
