VIDEO: Sabarkantha / હિંમતનગર માર્કેટયાર્ડમાં ખેડૂતોનો ભારે હોબાળો; તમાકુની હરાજી બંધ થતા ખેડૂતો રોષે ભરાયા
છેલ્લું અપડેટ : 07 Apr 2026
સોર્સ : GSTV
સાબરકાંઠાના હિંમતનગર સ્થિત સહકારી જીન કોટન માર્કેટમાં આજે વહેલી સવારથી જ ખેડૂતોએ ભારે હોબાળો મચાવ્યો હતો. તમાકુ વેચવા આવેલા ખેડૂતોના ટ્રેક્ટરોની લાંબી કતારો વચ્ચે વેપારીઓએ અચાનક હરાજી બંધ રાખતા ખેડૂતોમાં ભારે રોષ જોવા મળ્યો હતો.
મળતી માહિતી મુજબ, ખેડૂતો વહેલી સવારથી જ તમાકુ ભરેલા ટ્રેક્ટરો લઈને માર્કેટમાં આવી પહોંચ્યા હતા. જોકે, વેપારીઓએ હરાજીની પ્રક્રિયા શરૂ ન કરતા ખેડૂતો મૂંઝવણમાં મુકાયા હતા. હરાજી બંધ રાખવા અંગે વેપારીઓએ જણાવ્યું હતું કે, ગઈકાલે આવેલી તમાકુનો હજુ સુધી સંપૂર્ણ નિકાલ થયો નથી. પરિસ્થિતિ વધુ વણસે તે પહેલા માર્કેટયાર્ડના મેનેજરે વચ્ચે આવીને ખેડૂતોને શાંત પાડવાના પ્રયાસો કર્યા હતા. મેનેજરે ખેડૂતોને ખાતરી આપી હતી કે આજે આવેલા તમામ ખેડૂતોની તમાકુની ખરીદી આવતીકાલે કરી લેવામાં આવશે.
