VIDEO : વીરપુરમાં માત્ર ₹35ના ટોલ માટે કર્મચારીનું ગળું દબાવનાર શખ્સની પોલીસે કાઢી શાન, ગામમાં ફેરવી ભાન કરાવ્યું!

યાત્રાધામ વીરપુર નજીક આવેલા પીઠડીયા ટોલ પ્લાઝા પર માત્ર ૩૫ રૂપિયાના ટોલ ટેક્સ મામલે કાર ચાલકની દબગાંઈ જોવા મળી છે. જોકે પોલીસે આરોપીને સાથે રાખી ઘટનાસ્થળ અને ગામમાં રિ-કન્સ્ટ્રક્શનની કાર્યવાહી હાથ ધરી કાયદાનું ભાન કરાવ્યું હતું. પીઠડીયા ટોલ પ્લાઝા પર ફાસ્ટેગમાંથી ટોલની રકમ કપાતા ઉશ્કેરાયેલા રબારીકા ગામના આ શખ્સે ટોલ કર્મચારી સાથે માથાકૂટ કરી તેનું ગળું દબાવ્યું હતું. તેમજ જ લાફો પણ ઝીંકી દીધો હતો. આ ઘટના સીસીટીવીમાં કેદ થયા છે  આ મામલે વીરપુર પોલીસમાં ફરિયાદ નોંધાતા પોલીસે આરોપી વિપુલ કાઠી વિરુદ્ધ એટ્રોસીટી એક્ટ સહિતની કલમ હેઠળ ગુનો દાખલ  થયો હતો.