VIDEO: રાજકોટના મોજે ડેમમાં નવા નીર આવતા સપાટીમાં વધારો, ભાદર-1 ના બે દરવાજા ખોલ્યા
છેલ્લું અપડેટ : 04 Jul 2025
રાજકોટ જિલ્લાના ધોરાજી અને ઉપલેટા પંથકમાં છેલ્લા ત્રણ દિવસથી ચાલુ વરસાદને કારણે વિસ્તારના મુખ્ય ડેમોમાં પાણીની આવકમાં વધારો જોવા મળ્યો છે. ધોરાજી નજીક આવેલા ભાદર-1 ડેમમાં નવા નીરની આવક શરૂ થઈ છે. વધતા પાણીના પ્રવાહને નિયંત્રિત કરવા ડેમના બે દરવાજા એક-એક ફૂટ ખોલવામાં આવ્યા છે..ઉપલેટાના મોજીરા ગામ પાસે આવેલા મોજે ડેમમાં 5 ફૂટ નવા પાણીની આવક નોંધાઈ છે, જેના કારણે ડેમની જળસપાટી 35 ફૂટે પહોંચી છે. ગાયત્રી આશ્રમ ગધેથડ પાસે આવેલા વેણુ-2 ડેમના ઉપરવાસમાં પડેલા વરસાદને કારણે 14 ફૂટ નવા નીરની આવક થઈ છે, જે ડેમની સંગ્રહ ક્ષમતાને મજબૂત કરી રહી છે.
