Navsari News: ખેરગામ હાઈવે પર અકસ્માતમાં 1નું મોત, બેફામ કારે બાઈક સવાર દંપતીને ઉડાવ્યાના CCTV
છેલ્લું અપડેટ : 21 May 2025
નવસારી જિલ્લાના ખેરગામ તાલુકાના રૂઝવણી ગામ પાસે ગંભીર અકસ્માત સર્જાયો હતો. બેફામ બનેલા કાર ચાલકની બેદરકારીના કારણે સામેથી આવી રહેલા બાઈક સવાર દંપતીને અડફેટે લીધા હતા. જેમાં પત્નીની નજર સામે જ પતિનું મોત થયું હતું. જ્યારે પત્ની ગંભીર થતા સારવાર માટે વલસાડની હોસ્પિટલમાં ખસેડવામાં આવી છે.ઘટનાની જાણ થતાં ખેરગામ પોલીસ તુરંત જ ઘટનાસ્થળે પહોંચી ગઈ હતી. અકસ્માતના સીસીટીવી ફૂટેજ મળી આવ્યા છે. પોલીસે ફરાર થયેલા કાર ચાલકને પકડવા માટે તપાસ શરૂ કરી દીધી છે. આ અકસ્માત એટલો ગંભીર હતો કે બાઇકને ટક્કર મારીને કાર પણ ગુલાંટીઓ ખાઇ ગઇ હતી.
