નર્મદા જિલ્લાના પ્રસિદ્ધ દેવમોગરા મંદિર ખાતે વડાપ્રધાન નરેન્દ્ર મોદીના કાર્યકાળના 12 વર્ષ પૂર્ણ થવાના નિમિત્તે ભવ્ય મહાઆરતીનું આયોજન કરવામાં આવ્યું હતું. મંદિર પરિસરમાં મોટી સંખ્યામાં શ્રદ્ધાળુઓ અને સ્થાનિક આગેવાનો ઉપસ્થિત રહ્યા હતા.મહાઆરતી દરમિયાન દેશની પ્રગતિ, વિકાસ અને જનકલ્યાણ માટે વિશેષ પ્રાર્થનાઓ કરવામાં આવી હતી. ભક્તિમય વાતાવરણ વચ્ચે મંદિરમાં વૈદિક મંત્રોચ્ચાર અને આરતીના ગુંજતા સ્વરો સાથે સમગ્ર પરિસર આધ્યાત્મિક રંગમાં રંગાઈ ગયું હતું.કાર્યક્રમમાં ઉપસ્થિત લોકોએ વડાપ્રધાન મોદીના નેતૃત્વ હેઠળ દેશે વિવિધ ક્ષેત્રોમાં હાંસલ કરેલી સિદ્ધિઓનો પણ ઉલ્લેખ કર્યો હતો. આ પ્રસંગે સ્થાનિક લોકોએ પોતાની પ્રતિક્રિયાઓ આપતાં દેશની સમૃદ્ધિ અને શાંતિ માટે શુભેચ્છાઓ વ્યક્ત કરી હતી.