VIDEO: મોરબીના પીપળી ગામે વીજ સબ સ્ટેશનમાં લાગેલી ભયાનક આગ આવી કાબૂમાં
છેલ્લું અપડેટ : 07 Nov 2025
સોર્સ : gstv
મોરબીના પીપળી ગામે સ્થિત વીજ સબ-સ્ટેશનમાં લાગી આવેલી આગ અંતે કાબુમાં આવી છે. મોડી રાત્રે આશરે 1 વાગ્યાની આસપાસ આગ પર સંપૂર્ણ રીતે કાબુ મેળવાયો હતો. માહિતી મુજબ, આગ બુઝાવવા માટે 4 ફાયર ફાઇટર ટીમોએ લગભગ 6 કલાક સુધી સતત પ્રયત્નો કર્યા હતા.
આગ એટલી વિકરાળ હતી કે આખા વિસ્તારમાં ધુમાડાના વાદળો છવાઈ ગયા
આગ એટલી વિકરાળ હતી કે આખા વિસ્તારમાં ધુમાડાના વાદળો છવાઈ ગયા હતા. સદનસીબે, આ ઘટનામાં કોઈ જાનહાની થઈ નથી. જોકે સબ-સ્ટેશનના સાધનો અને માળખાને મોટું નુકસાન થયું હોવાનું જાણવા મળે છે. આગનું ચોક્કસ કારણ હજી સુધી બહાર આવ્યું નથી અને તંત્ર દ્વારા તપાસ શરૂ કરવામાં આવી છે.
