Video: મોરબીમાં ચાલુ શાળાએ શિક્ષક નશાની હાલતમાં ઝડપાયા, વિદ્યાર્થીઓને માર મારવામાં આવ્યો હોવાનો આક્ષેપ

મોરબી શિક્ષણ જગતને લાંછન લગાડતી એક ઘટના મોરબીના આદરણા ગામે સામે આવી છે. અહીંની પ્રાથમિક શાળાના શિક્ષક રાજુભાઈ પરમાર ચાલુ શાળાએ નશાની હાલતમાં અને દારૂની બોટલ સાથે ઝડપાયા છે. આ નશાખોર શિક્ષકનો વીડિયો સોશિયલ મીડિયામાં વાયરલ થતા ચકચાર મચી છે. આ અંગેની ફરિયાદ આદરણા મહિલા સરપંચના પતિ નિતેશ ચાવડાએ નોંધાવી છે. મોરબી તાલુકા પોલીસ મથકે દારૂ પીધેલા શિક્ષક સામે ગુનો દાખલ થયો છે. નશાની હાલતમાં શિક્ષક દ્વારા કેટલાક વિદ્યાર્થીઓને માર મારવામાં આવ્યો હોવાનો પણ આક્ષેપ કરવામાં આવ્યો છે.  શિક્ષક વારંવાર નશો કરતો હોવાનું નિવેદન વિદ્યાર્થી દ્વારા આપવામાં આવ્યું છે.