VIDEO : મહેસાણામાં પશુઓને અપાતી હતી એક્સપાયર દવાઓ? સરકારી પશુ કેન્દ્રમાં શંકાસ્પદ દવાઓ મળતા પોલીસ દોડી

મહેસાણાના હૈદરી ચોક વિસ્તારમાં આવેલા પશુ આરોગ્ય કેન્દ્રમાં શંકાસ્પદ અને એક્સપાયરી ડેટવાળી દવાઓનો મોટો જથ્થો ઝડપાતા વિવાદ સર્જાયો છે. સ્થાનિક જીવદયા પ્રેમીઓએ આ દવાઓનો પર્દાફાશ કરતા સ્થળ પર ડોક્ટરો અને જીવદયા પ્રેમીઓ વચ્ચે ઉગ્ર બોલાચાલી અને ઘર્ષણના દ્રશ્યો જોવા મળ્યા હતા. અગાઉ પણ આ જ કેન્દ્રમાંથી શંકાસ્પદ દવાઓ મળી આવી હોવા છતાં તંત્ર દ્વારા કાર્યવાહી ન થતાં રોષ વધ્યો છે. જીવદયા પ્રેમીઓએ પશુઓના આરોગ્ય સાથે ચેડાંના આક્ષેપ કર્યા છે. મામલાની જાણ મહેસાણા એ-ડિવિઝન પોલીસને કરવામાં આવી છે અને કાયદેસરની તપાસની માંગ ઉઠી છે.