Video: કોઠંબા તાલુકાના નિર્માણને લઈ વિરોધ શરુ, આ ગામોને નવીન તાલુકામાં નહીં ભેળવવા આવેદન

મહીસાગર જિલ્લામાં નવીન લુણાવાડા તાલુકામાંથી કોઠંબા તાલુકાના નિર્માણને લઈ વિરોધ શરુ થયો છે. લુણાવાડા તાલુકાનાં કેટલાક ગામોને કોઠંબામાં સમાવિષ્ટ નહીં કરવાને લઈ અધિક જિલ્લા કલેકટરને આવેદનપત્ર આપવામાં આવ્યું છે. 

 અધિક જિલ્લા કલેકટરને આવેદનપત્ર

રાજ્ય સરકાર દ્વારા મહીસાગરમાં કોઠંબા તેમજ ગોધર બે નવીન તાલુકા જાહેર કર્યા છે. નવીન તાલુકાના નિર્માણને લઈ અને કેટલાક ગામોને લુણાવાડા તાલુકામાં જ રાખવાની માંગ સાથે આવેદનપત્ર આપવામાં આવ્યું હતું. આગરવાળા, ચારણગામ, નમનાર અને મોતીપુરા ગ્રામ પંચાયતોને લુણાવાડા તાલુકામાં રાખવાની માંગ સાથે અધિક જિલ્લા કલેકટરને આવેદનપત્ર આપવામાં આવ્યું હતું. ગ્રામ પંચાયતના સરપંચોના લેટરપેડ ઉપર આવેદનપત્ર આપી રજૂઆત કરવામાં આવી હતી.