ગુજરાતના રાજકારણના મોટા સમાચાર, વડોદરામાં ભાજપના ઉમેદવાર રંજન ભટ્ટ લોકસભા ચૂંટણી નહીં લડે

ગુજરાતના રાજકારણના લોકસભા ચૂંટણી પહેલા મોટા સમાચાર સામે આવ્યા છે. વડોદરાના ભાજપના ઉમેદવાર રંજન ભટ્ટ ચૂંટણી નહીં લડે. રંજન ભટ્ટે સોશિયલ મીડિયા એક્સ પર પોસ્ટ કરીને ચૂંટણી ના લડવાની જાહેરાત કરી છે.

વડોદરામાં રંજન ભટ્ટ સામે હતી નારાજગી

વડોદરા લોકસભાના ભાજપના ઉમેદવાર રંજનબેન ભટ્ટ વિરૂદ્ધ નારાજગી જોવા મળતી હતી અને પોસ્ટર વોર પણ જોવા મળ્યું હતું. લોકસભા ચૂંટણીમાં ભાજપ તરફથી જ્યારે રંજનબેન ભટ્ટનું ઉમેદવાર તરીકે નામ જાહેર થયું ત્યારથી વિરોધ જોવા મળતો હતો. હવે રંજનબેન ભટ્ટે સોશિયલ મીડિયા સાઇટ એક્સ પર પોસ્ટ કરીને અંગત કારણોસર લોકસભા ચૂંટણી ના લડવાની જાહેરાત કરી છે.

આ પહેલા ભાજપના મહિલા મોરચાના ઉપાધ્યક્ષ ડો. જ્યોતિબેન પંડ્યાએ નારાજગી વ્યક્ત કરી હતી જેથી પાર્ટીએ તેઓને ભાજપમાંથી તાત્કાલિક અસરથી સસ્પેન્ડ કર્યા હતા