VIDEO: નદીના પૂરમાં ૧૦૦ એકર જમીન સપાટ થતાં કપાસનો પાક દટાયો: ખેડૂતોની સરકાર પાસે સહાયની માંગ
છેલ્લું અપડેટ : 04 Aug 2026
સોર્સ : gstv
નસવાડી તાલુકામાં સતત ભારે વરસાદના કારણે મેણ નદીમાં આવેલા વિનાશક પૂરથી ખોડિયા ગામના ખેડૂતોના ખેતરોમાં ઉભા પાકને વ્યાપક નુકસાન પહોંચ્યું છે. નદીના ૬૦ ફૂટ ઊંચા કાંઠા તોડીને ખેતરોમાં ઘૂસેલા પાણીના પ્રચંડ વેગને કારણે અંદાજીત ૧૦૦ એકર જમીનમાં વાવેલો કપાસ, મકાઈ, તુવર અને શાકભાજીનો પાક સપાટ થઈ ગયો છે અને જમીન પર બે ફૂટ જેટલો કાંપ જામી જવાથી છોડ સંપૂર્ણપણે દટાઈ ગયા છે. મોંઘા ખાતર, બિયારણ અને દવાઓનો ખર્ચ કરી દેવું કરીને વાવણી કરનાર ખેડૂતોની આખી મહેનત એક જ રાતમાં પાણીમાં ધોવાઈ ગઈ છે. આ ગંભીર આપત્તિના પગલે સ્થાનિક ખેડૂતોએ વહેલી તકે સરકારી સર્વે કરાવીને યોગ્ય આર્થિક સહાય ચૂકવવામાં આવે તેવી ઉગ્ર માંગ કરી છે.
