VIDEO: પુત્ર શૈલેષ અને તેની સાથે કોઈ સંડોવાયેલું હોય તેને પણ સખ્ત સજા થાય, ફોરેસ્ટ અધિકારીના પિતાની અપીલ
છેલ્લું અપડેટ : 18 Nov 2025
સોર્સ : gstv
ભાવનગરમાં બે દિવસ પહેલાં કાચના મંદિર પાસે આવેલા ફોરેસ્ટ કવાર્ટરમાંથી પત્નિ, પુત્રી-પુત્રને તકિયાથી મોઢું દબાવી એક પછી એક ત્રણને મોતને ઘાટ ઉતારનાર ACF શૈલષ ખાંભલાને ભાવનગર પોલીસ ઝડપી લીધો છે. વન વિભાગના આસિસ્ટન્ટ કન્ઝર્વેટર ઓફ ફોરેસ્ટ તરીકે ભાવનગર પોસ્ટિંગ મેળવીને આવેલા ક્રુર પતિએ હેવાનિયતની હદ વટાવી ઘરકંકાસ જેવી સામાન્ય બાબતમાં પત્ની અને બે માસૂમ સંતાનને મોતને ઘાટ ઉતારી દીધાનો ઘટસ્ફોટ થયો છે.
હત્યા કરનારા પુત્ર શૈલેષને કડકમાં કડક સજા કરવાની માંગ
ત્યારે શૈલેષ ખાંભલાના પિતા બચુભાઈ ખાંભલાએ ભારે હૈયે સોશિયલ મીડિયામાં એક વીડિયો જાહેર કર્યો છે, આ વીડિયો મારફતે સરકાર અને પોલીસને તેના પરિવારના બે માસૂમ બાળક અને પુત્રવધૂની હત્યા કરનારા પુત્ર શૈલેષને કડકમાં કડક સજા કરવાની માગ કરી છે.
