Bhavnagar: આવાસ યોજનામાં યુવતીનું છઠ્ઠા માળેથી પટકાતા મોત, CCTV ફૂટેજ વાયરલ
છેલ્લું અપડેટ : 29 Oct 2025
સોર્સ : gstv
ભાવનગર શહેરના સુભાષનગર વિસ્તારમાં આવેલ પ્રધાનમંત્રી આવાસ યોજનાના ઈ-વિંગમાં એક દુઃખદ ઘટના બની છે, જેમાં એક યુવતીનું મોત નીપજ્યું છે. મૃતક યુવતીનું નામ જાનવી સાગર છે અને તે દિવાળીના વેકેશન માટે સુરતથી અહીં આવી હતી. મળતી માહિતી મુજબ, છઠ્ઠા માળની ગેલેરીમાંથી અકસ્માતે નીચે પડી જતાં તેને ગંભીર ઇજાઓ થતાં તેનું મૃત્યુ નિપજ્યું હતું.
આ સમગ્ર ઘટનાના સીસીટીવી ફૂટેજ સોશિયલ મીડિયા પર વાયરલ થઈ રહ્યા છે, જેમાં યુવતીના પડવાનો અકસ્માત સ્પષ્ટ દેખાય છે. બનાવની જાણ થતાં જ સ્થાનિક પોલીસે ઘટનાસ્થળે પહોંચી કાર્યવાહી હાથ ધરી છે અને વધુ તપાસ શરૂ કરી છે.
