VIDEO: કિમ નદીના પાણી માર્ગ પર ફરી વળ્યા: અંકલેશ્વર-હાંસોટ-સુરત સ્ટેટ હાઇવે સતત બીજા દિવસે બંધ!
છેલ્લું અપડેટ : 02 Aug 2026
સોર્સ : gstv
ભારે વરસાદના કારણે કિમ નદીના પાણી મુખ્ય માર્ગ પર ફરી વળતાં અંકલેશ્વર, હાંસોટ અને સુરતને જોડતો મહત્વનો સ્ટેટ હાઇવે સતત બીજા દિવસે પણ વાહન વ્યવહાર માટે સંપૂર્ણપણે બંધ રહ્યો છે. સાહોલ ગામ નજીક રસ્તા પર પાણી ભરાઈ જવાના કારણે વાહનોની અવરજવર અટકી જતાં માર્ગની બંને બાજુએ વાહનો થંભી ગયા છે. આ માર્ગ બંધ થવાથી દૈનિક મુસાફરો, નોકરીયાતો તેમજ માલવાહક વાહનોના ચાલકોને ભારે હાલાકીનો સામનો કરવો પડી રહ્યો છે. પૂર જેવા પાણી ઓસર્યા બાદ જ આ રસ્તો પુનઃ શરૂ થઈ શકશે, ત્યાં સુધી વાહનચાલકોએ અન્ય વૈકલ્પિક માર્ગોનો આશરો લેવો પડી રહ્યો છે. વહીવટી તંત્ર દ્વારા માર્ગ પરની પરિસ્થિતિ અને જળસ્તર પર સતત નજર રાખવામાં આવી રહી છે.
