VIDEO: ઇખર ગામની શાળામાં ધોરણ-2ના વિદ્યાર્થીને પાઇપથી માર માર્યાનો આક્ષેપ
છેલ્લું અપડેટ : 01 Sept 2026
સોર્સ : gstv
ભરૂચના આમોદ તાલુકાના ઇખર ગામની કુમાર પ્રાથમિક શાળામાં ચોંકાવનારી ઘટના સામે આવી છે. ધોરણ-2માં અભ્યાસ કરતા વિદ્યાર્થીને શિક્ષક દ્વારા પાઇપ વડે માર મારવામાં આવ્યો હોવાના પરિવાર તરફથી ગંભીર આક્ષેપ કરવામાં આવ્યા છે. પરિવારના જણાવ્યા મુજબ, હસનૈન રિઝવાન દીવાન નામના વિદ્યાર્થીને મુબારક નામના શિક્ષકે કથિત રીતે પાઇપ વડે માર માર્યો હતો. પરિવારનો વધુમાં આક્ષેપ છે કે વિદ્યાર્થી સાથે અગાઉ પણ મારપીટ કરવામાં આવી હતી. ઘટનાને પગલે વાલીઓમાં રોષ અને ચિંતા જોવા મળી રહી છે. બાળકોની સુરક્ષા અને શાળામાં શિક્ષકોના વર્તન અંગે પણ સવાલો ઉઠ્યા છે.
