VIDEO: બનાસકાંઠાના સરહદી વિસ્તારમાં 15 દિવસ બાદ પણ ખેતરો, મકાનો, શાળામાં વરસાદી પાણી વચ્ચે લોકો જીવવા મજબૂર
છેલ્લું અપડેટ : 26 Sept 2025
VIDEO: ગુજરાતના બનાસકાંઠા જિલ્લામાં પાછોતરા વરસાદે લોકોને સુખાકારી કરતાં હાલાકીમાં વધારો કરી દીધો છે. ગત 15 દિવસ અગાઉ ઉત્તર ગુજરાતના બનાસકાંઠામાં ખાબકેલા ભારે વરસાદ બાદ ઠેર-ઠેર વરસાદી હાલાકી સર્જાઈ હતી. જેમાં બનાસકાંઠા જિલ્લાના સરહદી વિસ્તારમાં આવેલા નાના ગામડામાં હજી વરસાદી પાણી ઓસર્યા નથી. જેથી લોકોને આ વરસાદી પાણીમાં જીવવા મજબૂર થયા છે.
બનાસકાંઠા જિલ્લાના સરહદી વિસ્તારમાં આવેલા બાલુંત્રી ગામમાં વરસાદી પાણી યથાવત્ છે. પાણી હજી લોકોના મકાનો, વાડા, શાળા, સ્મશાનભૂમિ, બજારમાં ભરાયેલા રહ્યા છે. જેથી હવે આ પાણીમાંથી માથું ફાટી જાય તેવી ગંદી વાસ આવવા લાગી છે. બાલુંત્રી ગામની પ્રાથમિક શાળા અને આંગણવાડીમાં કેડ સમા પાણી ભરાયેલા પડયા છે. જેથી વિદ્યાર્થીઓ ભણવા નથી જઈ શકતા. આ અંગેની સરકારી તંત્રને વારંવાર રજૂઆત કરવા છતાં કોઈ નિર્ણય ન લેતા આખરે ખેડૂતો ઉપવાસ આંદોલન ઉપર જવાનો નિર્ણય કર્યો છે.