મોટા સમાચાર / NDPSના કેસમાં ગુજરાતના પૂર્વ IPS સંજીવ ભટ્ટ 28 વર્ષ બાદ દોષિત જાહેર, જાણો શું હતો કેસ

ગુજરાતના પૂર્વ IPS અધિકારી સંજીવ ભટ્ટ (IPS Sanjeev Bhatt)ને પાલનપુરના 1996ના NDPS કેસમાં દોષિત ઠેરવવામાં આવ્યા હતા. તેમને આજે  27 માર્ચે પાલનપુર સેશન્સ કોર્ટમાં રજૂ કરવામાં આવ્યાં હતા. આ કેસમાં 28 વર્ષ બાદ આજે કોર્ટે તેમને દોષિત જાહેર કર્યા છે. 

જાણો શું હતો કેસ? 

30 એપ્રિલ, 1996માં એક કેસ દાખલ કરવામાં આવ્યો હતો. જેમાં પાલનપુરની લાજવંતી હોટેલમાં સુમેરસિંહ રાજપુરોહિત અફીણનો જથ્થો લઈ આવનાર છે તેવી બાતમીના પગલે પોલીસે રેડ કરી એક કિલો 15 ગ્રામ અફીણ કબજે કર્યું હતું.

પાલનપુરની આ  હોટલના રૂમમાં અફીણનો જથ્થો મુકાવી રાજસ્થાન પાલીના એક વકીલને ખોટા કેસમાં ફસાવી દેવાના કેસમાં ધરપકડ કરી હતી.  CID  ક્રાઈમે 2018માં પૂર્વ IPS સંજીવ ભટ્ટઅને  તેમની સાથે  પાલનપુરના તત્કાલીન PI  વ્યાસની પણ ધરપકડ કરી હતી.