VIDEO: અંબાજી ભાદરવી પૂનમના મેળા માટે GSRTC પાલનપુર વિભાગ દ્વારા ૧૦૦૪ વધારાની બસો દોડાવાશે
છેલ્લું અપડેટ : 21 Sept 2026
સોર્સ : gstv
અંબાજી ખાતે યોજાનારા પવિત્ર ભાદરવી પૂનમના મહામેળાને ધ્યાનમાં રાખીને ગુજરાત રાજ્ય માર્ગ વાહનવ્યવહાર નિગમ (GSRTC) ના પાલનપુર વિભાગ દ્વારા દર્શનાર્થીઓ માટે વિશેષ આયોજન કરવામાં આવ્યું છે. ૨૦ થી ૨૬ સપ્ટેમ્બર દરમિયાન યોજાનારા આ મેળામય માહોલમાં દેશ-વિદેશથી આવતા લાખો માઈભક્તોની ભારે ભીડને પહોંચી વળવા માટે તંત્ર સજ્જ બન્યું છે. આ માટે પાલનપુર, મહેસાણા, હિંમતનગર અને અમદાવાદ એમ ચાર મુખ્ય વિભાગોમાંથી કુલ ૧૦૦૪ વધારાની એસ.ટી. બસો દોડાવવાનો નિર્ણય લેવાયો છે. GSRTC ની આ ખાસ બસ સેવા દ્વારા મેળાર્થે આવતા તમામ યાત્રાળુઓને સરળ, સુરક્ષિત અને આરામદાયક મુસાફરીનો અનુભવ પ્રાપ્ત થશે.
