અરવલ્લીમાં BZ પછી વધુ એક પોન્ઝી સ્કીમમાં ફરિયાદ, દર મહિને 7% વ્યાજની લાલચે લોકો પાસેથી પૈસા પડાવ્યા

અરવલ્લીમાં વધુ એક પોન્ઝી સ્કીમ હેઠળ મોટું રોકાણ કરીને લોકો સાથે છેંતરપિંડી આચરવામાં આવી છે. મળતા અહેવાલ પ્રમાણે અરવલ્લીમાં  યશ એન્ટરપ્રાઇઝ નામની શાખામાં રોકાણ પર ગ્રાહકોને દર મહિને 7% ઊંચું વ્યાજની લાલચ આપીને 6 લાખથી વધુની છેંતરપિંડી આચરી હતી.

પાંચથી વધુ ગ્રાહકો સાથે છેંતરપિંડી આચરવામાં આવી 

પ્રાથમિક માહિતી અનુસાર  મોડાસા શહેરના પાંચથી વધુ ગ્રાહકો સાથે છેંતરપિંડી આચરવામાં આવી હતી.છેતરાયેલ રોકાણકારોએ મોડાસા રુલર પોલીસમાં ફરિયાદ નોંધી હતી.

સાબરકાંઠા જિલ્લામાં BZ કૌભાંડ આચરવામાં આવ્યું હતું

સાબરકાંઠા જિલ્લાના તલોદ તાલુકાના વાવડીમાં રહેતા BZ GROUPના CEO ભુપેન્દ્રસિંહ ઝાલાએ રોકાણની સામે ત્રણ વર્ષમાં બમણા અને સામાન્ય રોકાણની સામે ઉંચા વળતરની લાલચ આપીને રૂપિયા છ હજાર કરોડનું કૌભાંડ આચર્યું હતું. ગાંધીનગર સીઆઈડી ક્રાઈમની અલગ અલગ ટીમ દ્વારા સાબરકાંઠા, વડોદરા, ગાંધીનગર અને રાજસ્થાન સહિત કુલ સાત સ્થળો પર દરોડા પાડ્યા હતા, અને છેતરપિંડી આચરનારાઓને જેલ ભેગા કર્યા હતા.