VIDEO: સોજીત્રા-ઈસણાવ રોડ પર અજાણ્યા વાહનની ટક્કરે બે આશાસ્પદ યુવાનોના કરૂણ મોત
છેલ્લું અપડેટ : 11 Aug 2026
સોર્સ : gstv
આણંદ જિલ્લાના સોજીત્રા પંથકમાં સર્જાયેલી એક ગમખ્વાર અકસ્માતની ઘટનાએ ભારે હંદ્ગોળ મચાવી દીધો છે. સોજીત્રા-ઈસણાવ રોડ પર બનેલી હિટ એન્ડ રનની આ દુર્ઘટનામાં એક અજાણ્યા વાહનચાલકે પૂરપાટ ઝડપે આવીને બાઈકને સામેથી જોરદાર ટક્કર મારી હતી, જેના કારણે સાહિલ વહોરા અને મુહમ્મદ અયાજ વહોરા નામના બે યુવાનોના કરૂણ મોત નીપજ્યા છે. આ અકસ્માતમાં એક યુવકનું તો ઘટનાસ્થળે જ કમકમાટીભર્યું મોત થયું હતું, જ્યારે બીજા યુવાને હોસ્પિટલ ખસેડતી વેળાએ જ રસ્તામાં દમ તોડી દીધો હતો. આ બનાવને પગલે સમગ્ર સોજીત્રા પંથક અને મૃતકોના પરિવારજનોમાં ભારે શોકનો માહોલ છવાઈ ગયો છે, જ્યારે વાહનચાલક ઘટનાસ્થળેથી ફરાર થઈ જતા પોલીસે વધુ તપાસ હાથ ધરી છે.
