VIDEO: એકસાથે ૯ સિંહોએ મારી શાહી લટાર, અમરેલીના ધારી ખોડિયાર ડેમ પર સાવજોનું સામ્રાજ્ય!
છેલ્લું અપડેટ : 06 Aug 2026
સોર્સ : gstv
અમરેલી જિલ્લાના ધારી નજીક આવેલા સુપ્રસિદ્ધ ખોડિયાર ડેમ પરિસરમાં એકસાથે ૯ સિંહોનો શાહી પરિવાર મુક્તપણે લટાર મારતો જોવા મળ્યો હતો. ડેમ સાઇટ અને તેના આસપાસના પ્રાકૃતિક વિસ્તારમાં એક સાથે ૯ સિંહોના ટોળાનું આગમન થતાં પ્રકૃતિપ્રેમીઓ અને સ્થાનિક રહીશોમાં ભારે આશ્ચર્ય અને રોમાંચ વ્યાપી ગયો હતો. એશિયાટીક સિંહના આ વિશાળ પરિવારને મુક્ત રીતે વિહરતો જોઈને વિસ્તારમાં ભારે કૌતુક સાથે ઉત્સાહનું વાતાવરણ સર્જાયું હતું. ગીરના જંગલ વિસ્તારને અડીને આવેલા ખોડિયાર ડેમ પાસે સમયાંતરે વન્યજીવોના આગમનની ઘટનાઓ બનતી રહે છે, જેમાં આટલી મોટી સંખ્યામાં સિંહોનું ટોળું એકસાથે જોવા મળવાની ઘટના દુર્લભ ગણાય છે. ધારી પંથકમાં સાવજોની આ મનોહર લટારના કારણે વન્યજીવ પ્રેમીઓમાં ભારે આનંદની લાગણી જોવા મળી રહી છે.
