VIDEO: અમરેલીના ચાંદગઢ ગામે વનકર્મી પર હુમલો કરનાર સિંહણ ઘૂસતા ગ્રામજનોમાં ભારે ફફડાટ
છેલ્લું અપડેટ : 17 Aug 2026
સોર્સ : gstv
અમરેલી પંથકના ચાંદગઢ ગામે સિંહણના આતંકને લઈને લોકોમાં ભારે ભયનો માહોલ છવાઈ ગયો છે. થોડા દિવસો પહેલા જ આ સિંહણે વનવિભાગના એક ટ્રેકર પર જીવલેણ હુમલો કરી તેને ઇજાગ્રસ્ત કર્યો હતો, અને હવે આ જ સિંહણ સીધી ચાંદગઢ ગામની અંદર ઘૂસી આવી છે. ગામમાં સિંહણના આંટાફેરા શરૂ થતાં સ્થાનિક રહીશોમાં ડરનો માહોલ ફેલાયો છે. ઘટનાની જાણ થતાં જ લીલિયા વનવિભાગની ટીમ તાત્કાલિક ઘટનાસ્થળે દોડી આવી હતી. વન વિભાગના અધિકારીઓ દ્વારા ગામલોકોની સુરક્ષાને ધ્યાનમાં રાખીને આ સિંહણને સુરક્ષિત રીતે પાંજરે પૂરવા માટેની કવાયત અને સઘન રેસ્ક્યુ ઓપરેશન યુદ્ધના ધોરણે શરૂ કરી દેવામાં આવ્યું છે.
