VIDEO: બગસરામાં સરકારી શાળાની દિવાલ પર ભાજપ ઉમેદવારોના લાગ્યા બેનર, આચારસંહિતાના ઉડ્યા લીરેલીરા
છેલ્લું અપડેટ : 21 Apr 2026
સોર્સ : GSTV
સ્થાનિક સ્વરાજ્યની ચૂંટણીમાં એટલો આંધળો પ્રચાર થઈ રહ્યો છે કે ગમે ત્યાં પોસ્ટર અને ઝંડા લગાડી દેવાય છે. બગસરા પાલિકાના વોર્ડ નંબર 5 ના ભાજપના ઉમેદવારોના પોસ્ટર શાળાની દીવાલ પર લગાડી દેવાયા છે. સરકારી શાળાની દિવાલ પણ ચૂંટણીના મૂરતિયાઓના પોસ્ટરથી બાકાત નથી.
સરકારી શાળાઓમાં કાયમી શિક્ષકોની ભરતી સમયસર થતી નથી. ઉપરથી શિક્ષણના ખાનગીકરણ સામે નેતાઓની બોલતી બંધ થઈ જાય છે, પણ જનતાને આકર્ષવા માટે ઉપયોગ તો સરકારી શાળાની દિવાલોનો જ કરવાનો. આ પોસ્ટર લગાડ્યા બાદ આદર્શ આચારસંહિતાનો જાહેરમાં ઉલાળીયો થયો હોવા છતાં સ્થાનિક તંત્ર નિષ્ક્રિય છે.
