VIDEO: કલર ડાઈઝ અને કેમિકલના વેપારી સાથે 16.73 કરોડથી વધુની છેતરપિંડી આચરનાર બે ઝડપાયા
છેલ્લું અપડેટ : 22 Aug 2026
સોર્સ : gstv
અમદાવાદમાં કલર ડાઈઝ અને કેમિકલના વેપારીઓ સાથે કરોડો રૂપિયાની છેતરપિંડીનો મોટો કૌભાંડ સામે આવ્યો છે. ઉધારીમાં માલ ખરીદી રૂપિયા ન ચૂકવી 19 જેટલા વેપારીઓ સાથે 16.73 કરોડથી વધુની ઠગાઈ આચરવામાં આવી હતી. આ મામલે આર્થિક ગુના નિવારણ શાખા (EOW) એ કાર્યવાહી કરીને જયપુરથી મોહિત સહાની અને અમદાવાદથી કલ્પેશ પટેલની ધરપકડ કરી છે. તપાસમાં સામે આવ્યું છે કે 'ઈલોકોજીકો કેમિકલ ઇન્ડસ્ટ્રીઝ'ના નામે માલ ખરીદીને મોહિત સહાનીએ કલ્પેશ પટેલને 5 કરોડનો માલ અડધા ભાવે વેચી માર્યો હતો. કિરિ ઇન્ડસ્ટ્રીઝના વેપારી મુકેશ દવેની ફરિયાદના આધારે EOW એ બંને આરોપીઓની ધરપકડ કરી આગળની તપાસ હાથ ધરી છે.
