Ahmedabad news: દધીચિ બ્રિજ પર તંત્ર દ્વારા ખાડાઓનું તાબડતોબ સમારકામ કરાયું, બ્રિજ ઇન્સ્પેક્શનની કામગીરી સામે પ્રશ્નાર્થ

અમદાવાદમાં બ્રિજની કામગીરીમાં પોલંપોલ ફરી એકવાર ઉઘાડી પડી છે. વાડજના 14 વર્ષ જૂના દધીચિ બ્રિજ પર જોખમી રીતે સળિયા દેખાવા લાગતા મીડીયામાં તેના અહેવાલ પ્રસારિત થયા હતા. આ ઘટનાને ગંભીરતાથી લઈ તંત્રે તાત્કાલિક ધોરણે પડેલા ખાડાઓનું રિપેરિંગ કામ શરૂ કર્યું છે. રોડની સરફેસ ઉખડી જતા મધ્ય ભાગમાં સળિયા બહાર આવી ગયા હતા. આશ્ચર્યની વાત એ છે કે મ્યુનિસિપલ કોર્પોરેશને પાંચ મહિના પહેલા જ બ્રિજનું ઇન્સ્પેક્શન કરાવ્યું હતું, છતાં આવી ગંભીર બેદરકારી સામે ન આવતા કન્સલ્ટન્ટ એજન્સી પર સવાલો ઉઠ્યા છે.