VIDEO: ક્રૂડ ઓઈલ ચોરી કરતી આંતરરાજ્ય ગેંગ ઝડપાઈ
છેલ્લું અપડેટ : 11 Aug 2026
સોર્સ : gstv
ગુજરાત ATS અને રાજસ્થાન પોલીસે સંયુક્ત ઓપરેશન હાથ ધરી HPCLની પાઈપલાઈનમાંથી ગેરકાયદેસર ક્રૂડ ઓઈલ ચોરી કરતી આંતરરાજ્ય ગેંગનો પર્દાફાશ કર્યો છે. રાજસ્થાનના બાલોતરા જિલ્લાના કાલુડી ગામની સીમમાં પાઈપલાઈનમાં 3થી 4 ફૂટ ઊંડો ખાડો કરી પંચર પાડી વાલ્વ લગાવી ક્રૂડ ઓઈલની ચોરી કરવામાં આવતી હતી. ચોરી કરાયેલું ક્રૂડ અમદાવાદ-રાજકોટ હાઈવે પર વેચવાનું કાવતરું હોવાનું સામે આવ્યું છે. કુવાડવા નજીક એક આરોપીની અટકાયત બાદ તપાસમાં રાજસ્થાનના ઢાબા પરથી અન્ય 7 આરોપીઓને ઝડપી પાડવામાં આવ્યા હતા. ગુજરાત, રાજસ્થાન અને ઉત્તર પ્રદેશના કુલ 8 આરોપીઓ સામે જાસોલ પોલીસ સ્ટેશનમાં ગુનો નોંધી વધુ તપાસ હાથ ધરાઈ છે.
