VIDEO : અમદાવાદ ગ્રામ્યના વિસલપુર વિસ્તારમાં રેતી ખનન કૌભાંડને લઈ ભારે વિવાદ, અધિકારીઓની મિલિભગતનો આક્ષેપ
છેલ્લું અપડેટ : 21 May 2026
સોર્સ : gstv
અમદાવાદ ગ્રામ્યના વિસલપુર વિસ્તારમાં રેતી ખનન કૌભાંડને લઈ ભારે વિવાદ ઉભો થયો છે. ખેડૂતોનો આક્ષેપ છે કે સરકારી જમીન અને ખેતીલાયક જમીનમાં બેફામ ખનન કરી માફિયાઓ કરોડો રૂપિયાની રેતી ચોરી રહ્યા છે. લીજધારકો દ્વારા નિયમોના ઉલ્લંઘન સાથે 25 થી 30 ફૂટ સુધી ઊંડું ખનન થતું હોવાનું પણ સામે આવ્યું છે. ખેડૂતોની અનેક રજૂઆતો છતાં તંત્ર મૌન રહેતા રોષ ફાટી નીકળ્યો છે. સામાજિક કાર્યકરોએ પોલીસ, ખાણ ખનીજ અને આરટીઓ વિભાગની મિલીભગતના ગંભીર આક્ષેપ કર્યા છે. ખેડૂતો મુખ્યમંત્રી પાસે તાત્કાલિક કાર્યવાહીની માંગ કરી રહ્યા છે.
